Si Mumu ay single. Makikita siya sa labas ng Kabaong Mo, Sagot Ko na naka-black long dress. Naka-makeup na ala impakta at may hawak na walis. Laging naka-pose na parang pagkagat ng dilim, aangat at lilipad sakay ng walis. Ang misyon niya: Takutin ang mga potential groom na balak pikutin ng ama. Mahirap umalma kay Tatang Peps na may back-up na barumbadong tropa--ang tropang sais. Tagumpay naman si Mumu sa mga 'appearance' niya. Hindi na bumabalik ang mga 'biktima'. Pero dumating sa Kalye onse si Leofordo Magtanan--ruggedly handsome na may abs. Probinsiyanong walang malay sa 'gulo' sa Kalye onse. Hayun, nagulo ang mundo ni Mumu Cagandahan...